DEVUELVA A LA DISCOGRAFIA
	1. Menta Cedra 2. Maria Marì 3. Lusingame 4. Voce 'e notte 5. Vieneme 'nzuonno 6. Canzona appassiunata 7. Felicità 8. Quanno tramonta 'o sole 9. Mare 'e Margellina 10. Bambenella 11. Tarantella sotto 'e rrose 12. Se pò sunà 13. Uocchie c'arraggiunate 14. La follia 15. Lo Guarracino 16. 'A primma 'nnammurata
Menta Cedra Core ca m’hè purtato stammatina pecche me n’he purtato ‘ncoppo Nola? Me so’ scurdato ‘e chella culumbrina quanno aggio visto a chesta campagnola Mannaggia ‘a mudistella e ‘a campagnola! Core, fà ‘o core, e a chi me piglio, dì A chesta cca c’addora ‘e menta cedra, o a chell’ata c’addore ‘e basciulì? Core, si è bello ‘o mantesino russo, è pure bella a camicetta ‘e seta Si ‘a campagnola mme fa allicca ‘o musso ‘a mudistella mme fa alliccà ‘ e ddete Si sceglio a chesta a chella chi accuieta? Core, fà ‘o core, e a chi me piglio, dì A chesta cca c’addora ‘e menta cedra, o a chell’ata c’addore ‘e basciulì? Core nu quartiniello int’ ‘a curzea e n’ato cu ‘na loggia ‘ncoppo Nola. Mme vene comme fosse già ‘n’idea stanno tra ‘a mudistella e ‘a campagnola e pare ca nisciuna resta sola! Core fa ‘o core E i’ mo faccio accussi: Da abbrile ‘int ‘o settembre ‘a menta cedra da settembre a marzo o basciulì   Maria Marì Arápete fenesta! Famme affacciá a Maria, ca stóngo 'mmiez'â via... speruto d''a vedé... Nun trovo n'ora 'e pace: 'a notte 'a faccio juorno, sempe pe' stá ccá attuorno, speranno 'e ce parlá! Oje Marí, oje Marí, quanta suonno ca perdo pe' te! Famme addurmí, abbracciato nu poco cu te! Oje Marí, oje Marí! Quanta suonno ca perdo pe' te! Famme addurmí... oje Marí, oje Marí! Pare che giá s'arape na sénga 'e fenestella... Maria cu 'a manella, nu segno a me mme fa! Viene che 'a notte è doce, 'o cielo ch'è nu manto... Tu duorme e io te canto 'a nonna a fianco a te... Oje Marí, oje Marí, quanta suonno ca perdo pe' te! Famme addurmí, abbracciato nu poco cu te! Oje Marí, oje Marí! Quanta suonno ca perdo pe' te! Famme addurmí... oje Marí, oje Marí!   Lusingame Forse sarrá stu cielo chino 'e stelle, Maria, Marí'! Forse sarranno st'uocchie accussí belle, Maria, Marí'! Forse è ll'ammore ca mm'hê miso 'int''o core ma io nun ce credo ca tu mme vuó' lassá! Tu nun 'o ssaje ca mme staje dint''e vvéne... Si te ne vaje, nun pòzzo cchiù campá... Lusíngame n'atu ppoco fallo stutá stu ffuoco ca, dint''o core, mm'hê appicciato tu! Si te ne vaje, 'o ssaje ca mme ne moro... Lusíngame n'atu ppoco ca, senza st'uocchie tuoje, nun campo cchiù! Che fa si 'e vase tuoje ll'hê date a n'ato?... Maria, Marí'... Io sóngo sempe 'o primmo 'nnammurato!... Maria, Marí'... Tu si' d''a mia, dimme chesta buscía, dimmélla ancora, però nun mme lassá... Si te ne vaje, 'o ssaje ca mme ne moro... Lusíngame n'atu ppoco ca, senza st'uocchie tuoje, nun campo cchiù!   Voce 'e notte Si 'sta voce te scéta 'int''a nuttata, mentre t'astrigne 'o sposo tujo vicino... Statte scetata, si vuó' stá scetata, ma fa' vedé ca duorme a suonno chino... Nun ghí vicino ê llastre pe' fá 'a spia, pecché nun puó' sbagliá 'sta voce è 'a mia... E' 'a stessa voce 'e quanno tutt'e duje, scurnuse, nce parlávamo cu 'o "vvuje". Si 'sta voce, che chiagne 'int''a nuttata, te sceta 'o sposo, nun avé paura... Vide ch'è senza nomme 'a serenata, dille ca dorme e che se rassicura... Dille accussí: "Chi canta 'int'a 'sta via o sarrá pazzo o more 'e gelusia! Starrá chiagnenno quacche 'nfamitá... Canta isso sulo...Ma che canta a fá?!..." Dille accussí: "Chi canta 'int'a 'sta via o sarrá pazzo o more 'e gelusia! Starrá chiagnenno quacche 'nfamitá... Canta isso sulo...Ma che canta a fá?!..."   Vieneme 'nzuonno Tu quanno cante e dice parole tanto doce io ca’ nun so’ cchiù felice chiagno e canto sottovoce ah che vulesse fa’ pe’ te vede’ tutta sincerità vicino a mme Quanno ‘a voce d’’o mare saglie ‘ncielo e suspira mentre ‘a luna se ‘mmire dint’a st’onne mari’ chistu core te sente tutt’o munno t’avanta quanno napule canta tanno io moro pe’ te vieneme ‘nzuonno viene famme sunna’ stu core dint’o core truove ‘o bbene dint’o bbene canta ammore ah che felicità sunnà e murì tutta ‘n’eternità cu’ ttè marì Quanno ‘a voce d’’o mare saglie ‘ncielo e suspira mentre ‘a luna se ‘mmire dint’a st’onne mari’ chistu core te sente tutt’o munno t’avanta quanno napule canta tanno io moro pe’ te FINALE Chistu core te chiamma tutt’’e stelle te vonno quanno napule sonna canta ‘o munno pe’ te   Canzona appassiunata N'albero piccerillo aggiu piantato, criscènnolo cu pena e cu sudore... Na ventecata giá mme ll'ha spezzato e tutt''e ffronne cágnano culore... Cadute só' giá 'e frutte: e tuttuquante, erano doce, e se só' fatte amare... Ma 'o core dice: "Oje giuvinotto amante, 'e ccose amare, tiénele cchiù care..." E amara comme si', te voglio bene! Te voglio bene e tu mme faje murí... Era comm''o canario 'nnammurato, stu core che cantaje matina e sera... "Scétate!" - io dico - e nun vò' stá scetato... e mo, nun canta manco a primmavera!... Chi voglio bene nun mme fa felice: forse sta 'ncielo destinato e scritto. Ma i' penzo ca nu ditto antico dice: "Nun se cummanna a 'o core". E i' mme stó' zitto!... E mme stó' zitto, sí...te voglio bene... Te voglio bene e tu mme faje murí...> Chiagno p'ammore, e cade 'o chianto mio dint'a 'sta testa: 'o chianto 'a sta arracquanno... Schiòppa na bella rosa e i', pe' gulio, a chi mm'ha fatto chiagnere nce 'a manno. Lle dico: "Rosa mia tu mme perduone si te scarpesarrá senza cuscienza..." Ce sta nu ditto ca mme dá ragione: "Fa' bene e scorda e si faje male penza..." Pènzace buono sí...te voglio bene... Te voglio bene e tu mme faje murí...   Felicità Chitarra mia, l'aggio vuluto bene e sulo tu cunosce chisto ammore; cumpagna mia, venevo a cuntà a te 'ncopp' a sti ccorde 'e ppene 'e chisto core, e mo ca essa ha pigliato n'ata via che t'aggia cuntà cchiù chitarra mia. Felicità, vurria sapè ched'è chesta parola, vurria sapè che vvò significà sarrà gnuranza 'a mia, mancanza 'e scola ma chi ll'ha 'ntiso maje annummenà. Felicità, m' ha ditt' 'o core mio è na bucia, te songo amico e dico 'a verità l'ommo s'illude a chesto:è fantasia e spisso crede ch'è na realtà. Felicità, vurria sapè ched'è chesta parola, vurria sapè che vvò significà sarrà gnuranza 'a mia, mancanza 'e scola ma chi ll'ha 'ntiso maje annummenà.   Quanno tramonta 'o sole Viene addu me! Cuntèntame stu core che, 'a tantu tiempo, penza, aspetta e spera... Lèvame 'a pietto 'sta fattura nera, pecchè te chiammo cu nu vero ammore! Te veco, cu na rosa 'int''e capille, vicino a me... Vicino a me... Mme pare 'e darte vase a mille a mille, sempe sunnanno 'e te! Sempe sunnanno 'e te... Siéntelo, oje bella, 'o suono 'e sti pparole Viene addu me, quanno tramonta 'o sole! Quanno tramonta 'o sole, e tuttecosa, jènne pe' s'addurmí dint''a nuttata, piglia 'o culore 'e na viola nfosa... tanno te penzo sora e 'nnammurata! Tanno te sento mia tutta felice, senza parlá... Senza parlá! Cu ll'uocchie dint'a ll'uocchie e po' mme dice: "Quanta felicitá... Quanta felicitá!..." Siéntelo, oje bella, 'o suono 'e sti pparole! Fatte vasá, quanno tramonta 'o sole!   Mare 'e Margellina Chesta ciamma a prora ‘o vuzzo Sciulia lenta ‘ncopp’all’acqua Mentre ‘e lato ‘o mare sciacqua Quanno ‘o rimmo stà affunnà Sotto ‘a prora ‘o verde chiaro Vide ‘o mare ll’erba ‘e scuoglie Truove ‘o purpo ‘o lanze ‘o cuoglie Pecchè sì’ sicuro ‘e ll’appezzà Mare turchino che vvuo è destino Nu piscatore t’hadda benedì Nun ce sta mare ‘e te cchiù cristallino Cchiù trasparente e limpido accussì Tutte ‘e tirate ‘e rezza ‘e sta marina Se fanno sempe ‘nterra margellina Ca sciala ‘e pesca e aonna ogne paranza Tu si cchiammato ‘o mare ‘ell’abbundanza Cà pure ‘e pisce tanto da priezza Mieze stunate cadono ‘int ‘a rezza Ma po’ piacere ‘e ce putè venì Corrono a margellina pe’ murì Sponta ‘luna a Villanova Rossa rossa e a nu mumento Saglie ‘ncielo e se fa argento Cu ‘na luce ‘e rarità ‘o Vesuvio se ‘ntravvede l’ascensore illuminato ogne tanto ‘na guardata pe te putè dicere io sto ccà Mare turchino che vuò……… ……………………… Mare turchino che vuò è destino Chi è ‘nnammurato t’hadda benedì St’ammore mio durmeva a suonno chino Mo se scetato pecchè a ditto si Femmene belle ‘e tutta sta marina Purtate ‘o core ‘nterra martellina Addo cu’ e pisce senteno ‘a priezza E ‘nzieme a lloro cadono ‘int ‘ a rezza ‘o sanno e pisce comme ‘o sanno e core ca a martellina ‘o mare è traditore ma è troppo bello pe’ putè fuì è ‘o meglio pizzo pe’ putè murì   Bambenella So bambenella 'e coppo e quartiere pe' tutta Napule faccio parlà quanno annascusa pe' vicule 'a sera 'ncopp' 'o pianino me metto a ballà Veco ambulanza, 'int' a niente m' 'a squaglio e si m'afferra me torna a lassà 'ncopp' ' a quistura si 'e vvote ce saglio è pe' furmalità. Cu 'a bona maniera faccio cadè 'o brigadiere, piglio e lle vengo 'o mestire dico ca 'o tengo ccà 'O zallo s' 'o mmocca, l'avota 'a capa e s'abbocca, ma nun appena me tocca, me n'ha da mannà Me fanno ridere cierte perzone quanno me diceno: Penza pe' tte! Io faccio 'ammore cu 'o capo guglione e spengo 'e llire p' 'o fa' cumparè. Sto sotto 'o debbeto, chisto è 'o destino: ma c'è chi pava, pirciò lassa fà Tengo 'nu bello guaglione vicino ca me fa rispettà! Chi sta 'int' 'o peccato ha da tenè 'o nnammurato ch'appena doppo assucciato, s'ha da sapè appiccecà. E tutte 'e sserate chillo m'accide 'e mazzate! Me vo' nu bene sfrenato, ma nun 'o dà a parè! Mo soi tre mise ca 'o tengo malato, sacc'io che spenno pe' farlo sanà! Però 'o duttore cu mme s'è allummato; pe' senza niente m''o faccio curà. E tene pure 'o mandato 'e cattura. Priesto ambulanza s' 'o vene a piglià. Io ll'aggio ditto: stà senza paura, pe' tte ce stongo io ccà! Cu 'a bona maniera, faccio cade 'o brigadiere...   Tarantella sotto 'e rrose Ciardenè’ sotto a ‘sti rrose mo ca ‘o sole se ne trase ‘na’ armunia ‘e ciente vase quanti rrose hadda schiuppà ma l’ammore comme trase si ‘o cancello ‘o tiene ‘nchiuso ‘sta’angiulillo capriccioso po’ trasì comme isso vò tarantella tarantè tarantella pe’ sotto ‘e rrose ca si fosse cchiù azzeccosa ‘sta bellezza quanta cose ca me fa desiderà si stasera se ne vedeno ‘e cadè pozzo dì ca ‘a cchiù bella ciardenera more e spanteca pe’ mme… Ciardenè’ sta faccia ‘e rose me fa essere geluso Quante vvote sto schiattuso pecchè penso male ‘e te Ma stasera è ‘n’ata cosa marzo ‘o vvi che bellu mese Sotto ‘e stelle ‘e stu paese si sti core hanna cantà Tarantella tarantè Tarantella pe sotto ‘e rrose…………………… ……………………………………… Ciardenè’ che paraviso tu cu mme sotto a sti rrose Suonno suonno ‘e tutte ‘e spose ca po da felicità Ciure arance e tuberose servarranno pe’ ffa ‘a casa Pe’ tappeto ‘nterra spase quante rrose hadda sfrunnà Tarantella tarantè Tarantella pe sotto ‘rrose……………… …………………………………   Se pò sunà Ma si è overo che 'o core soffre a te penzà, si 'sta voce nun canta pò se pò spezza, ma si n'ammore cu' e vase porta 'o sole 'int' 'e case e va.... allora po' se po' sunà. Si nu suonno te sceta senza fa' tremmà 'na canzona sunata va po munno scurdato e 'o fa pazzia si 'o culore da ggente nun cuntasse cchiù niente si... se po, s'addà, sunà Se po sunà pa' gente ca vo' sentì 'na canzone nova sentuta 'na sera pa' via chiena 'e malincunia ma è 'na bella poesia. e si 'a cante tu nun more cchiù S'adda sunà pa' gente ca vò sentì 'e canzone nove sentute pe' mmiezo a 'na via senza malincunia figlie da fantasia 'e 'sta giuventù comme 'a vuò tu.   Uocchie c'arraggiunate St'uocchie ca tiene belle, lucente ccchiù d''e stelle, sò' nire cchiù d''o nniro só' comm'a duje suspire... Ogne suspiro coce, ma tene 'o ffuoco doce... e, comme trase 'mpietto, nun lle dá cchiù arricietto. E chi ve pò scurdá, uocchie ch'arraggiunate senza parlá? Senza parlá? A me guardate sí... e státeve nu poco, comme dich'i'... comme sach'i'... comme vogl'i'!... Sò nire: cchiù sblennente 'e ll'ebano lucente! Comm'a na seta fina só' ll'uocchie 'e Cuncettina. Sempe ca 'e ttèngo mente, nce trovo sentimente... pecché nce sta nu vezzo, ca i' guardo e ll'accarezzo. E chi ve pò scurdá, uocchie ch'arraggiunate senza parlá? Senza parlá? A me guardate sí... e státeve nu poco, comme dich'i'... comme vogl'i'!... comme sach'i'... A me guardate sí... e státeve nu poco, comme dich'i'... comme sach'i'... comme vogl'i'!... comme dich'i'... comme sach'i'... proprio accussi   La follia Da quanno vedde cecca chisso tuppo ca sta 'ncriccato cchiù de 'na vrachetta tanto st'affritto core chianto jetta ca dinto de li lagreme m'azzuppo so deventato sicco comme a chiuppo e l'arma se ne sciulia a staffetta Fa cunto mo ca face adesa 'n'anno e proprio da lu juorno de la sceuza ca so' 'mezzato a chiagnere a selluzzo e tu scrofa staie sempe co la meuza e aspiette ca me vrociolo a nu puzzo e io pe sgoliarte oje me scanno   Lo Guarracino Lo guarracino, ca jeva pe' mare, lle venne voglia de se 'nzorare. Se facette no bello vestito de scarde de spine pulito pulito co’ ‘na perrucca tutta 'ngrifata de ziarelle 'mbrasciolata, co’ lo sciabò scolla e puzine de ponta 'ngrese, fina fina... Cu’ li cazune de rezza de funno, scarpe e cazette de pelle de tunno e sciammeria e sciammerino d'aleche e pile de voje marino cu’ buttune e buttunera d'uocchie de purpo, secce e fera, fibbia, spata e schiocche 'ndorate de niro de secce e fele d'acchiata. Ddoje belle cateniglie de premmone de conchiglie, no cappiello aggallonato de codarino d'aluzzo salato, tutto posema e steratiello, jeva facenno lo sbafantiello, gerava da ccá e da llá la nnammorata pe' se trová. La sardella a lo barcone steva sonanno lo calascione; e a suone de trommetta jeva cantanno st'arietta: "E llare’ lo mare ‘e lena e la figlia d' 'a si' Lena ha lassato lo nnammorato pecché niente l' ‘a rialato". Lo guarracino ‘nche la guardaje de la sardella s' ‘nnammoraje; se ne jette da ‘na vavosa la cchiù vecchia maleziosa; l'ebbe bona rialata pe' mmannarle la mmasciata: la vavosa pisse pisse chiatto e tunno nce lo disse. La sardella ‘nch’ ‘a sentette rossa rossa se facette, pe' lo scuorno che se pigliaje sotto a no scuoglio se 'mpizzaje; ma la vecchia de la vavosa subbeto disse: "Ah, schefenzosa! De sta manera nun truove partito 'ncanna te resta lo marito. Se aje voglia de t'allocá tanta smorfie non aje da fá; fora le zeze e fora lo scuorno anema e core e faccia de cuorno." Ciò sentenno la si' sardella s'affacciaje a la fenestella, fece n'uocchio a zennariello a lo speruto nnammoratiello. Ma la patella ca steva de posta la chiammaje faccia tosta, tradetora, sbregognata, senza parola, malenata, ch'avea 'nchiantato l'alletterato primmo e antico nnammorato. De carrera da chisto jette e ogne cosa lle dicette. Quanno lo 'ntise lo poveriello se lo pigliaje Farfariello; jette a la casa, s'armaje a rasulo, se carrecaje comm' ‘a no mulo de scoppette e de spingarde, póvere, palle, stoppa e scarde, quatto pistole e tre bajonette dint' ‘a la sacca se mettette. 'Ncopp' ‘a li spalle sittanta pistune, ottanta bomme e novanta cannune; e comm' ‘a guappo Pallarino jeva trovanno lo guarracino. La disgrazia a chisto portaje ca mmiez' ‘a la chiazza te lo 'ncontraje. Se l'afferra po’ crovattino e po' lle dice: "Ah malandrino! Tu mme lieve la nnammorata e pigliatella sta mazziata." Tuffete e taffete a miliune, lle deva paccare e secazzune, schiaffe, ponie e perepesse, scoppolune, fecozze e conesse, scerevecchiune e sicutennosse e l'ammacca osse e pilosse. Venimmoncenne ch’ ‘a lo rommore pariente e amice ascettero fore, chi co' mazze, cortielle e cortelle, chi co' spate, spatune e spatelle, chiste co' barre, chille co' spite, chi co' ammennole e chi co' 'antrite, chi co' tenaglie e chi co' martielle, chi co' torrone e sosamielle. Patre, figlie, marite e mogliere s'azzuffajeno comm' ‘a fere. A meliune correvano a strisce de sto partito e de chillo li pisce. Che bediste de sarde e d'alose! De palaje e raje petrose ! Sarache, dientece ed achiate, scurme, tunne e alletterate! Pisce palumme e piscatrice, scuorfene, cernie e alice, mucchie, ricciole, musdee e mazzune, stelle, aluzze e storiune, merluzze, ruongole e murene, capodoglie, orche e vallene, capitune, auglie e arenghe, ciefere, cuocce, traccene e tenghe. Treglie, tremmole, trotte e tunne, fiche, cepolle, laune e retunne, purpe, secce e calamare, pisce spata e stelle de mare, pisce palumme e pisce martiello, voccadoro e cecenielle, capochiuve e guarracine, cannolicchie, ostreche e ancine. Vongole, cocciole e patelle, pisce cane e grancetielle, marvizze, marmore e vavose, vope prene, vedove e spose, spínole, spuonole, sierpe e sarpe, scauze, 'nzuoccole e co' le scarpe, sconciglie, gammere e ragoste, vennero 'nfino co’ le poste. Capitune, saure e anguille, pisce gruosse e piccerille, d'ogne ceto e nazione, tantille, tante, cchiù tante e tantone! Quanta botte, mamma mia! che se deveno, arrassosia! A centenare le barrate! A meliune le petrate! Muorze e pizzeche a beliune! A delluvio le secuzzune! Non ve dico che bivo fuoco se faceva per ogne luoco! Te, tte, tte, ccá pistulate! Ta, tta, tta, llá scoppettate! Tu, ttu, ttu, ccá li pistune! Bu, bu, bu, llá li cannune! Ma de cantá so' giá stracquato e me manca mo’ lo sciato; sicché dateme licenza, graziosa e bella audienza, 'nfi che sorchio ‘na meza de seje, co’ salute de luje e de leje, ca se secca lo cannarone sbacantannosse lo premmone.   'A primma 'nnammurata Ajere, pe' Tuleto, mme 'ncuntraje cu 'a primma e sola 'nnammurata mia: ll'uocchie pittate...addó' passaje lassaje tutt''e prufume 'e na prufumeria... E a vint'anne turnaje cu stu penziero... chilli vint'anne ca nun tengo cchiù! Ll'ammore è na ferita ca 'o tiempo pò saná, ma te rummane 'o segno tutt''a vita pe' t''a fá ricurdá! E doppo n'esistenza 'ntussecata - che 'a vita nosta nu rumanzo fuje - essa pigliaje na strada io n'ata strada ma cu na spina ô core tutt'e duje!... E 'a tant'anne, d''e llacreme chiagnute, n'è rummasa una...e nun s'asciutta cchiù... Ll'ammore è na ferita ca 'o tiempo pò saná, ma te rummane 'o segno tutt''a vita pe' t''a fá ricurdá!